ကျွန်တော်နှင့် ပင်လယ်နတ်သမီး

(၁)

အဲ့ဒီနေ့က ဘာရယ်မဟုတ်ပါဘူး ကျွန်တော်က ထုံးစံအတိုင်းပဲ ဘတ်(စ်)ကားပေါ်မှာ အိပ်ရင်းနဲ့လိုက်လာတယ်။ ဘ၀ာ်(စ်)ကားကြီးကလည်း ထုံးစံအတိုင်းပဲ အိပဲ့၊ အိပဲ့ နဲ့ မောင်းလို့..။ ကျွန်တော်ဆင်းရမယ့် မှတ်တိုင်ရောက်ခါနီးတော့ မျက်လုံးပွတ်ပြီး ထလိုက်မှပဲ ကျွန်တော်နတ်ပြည်ရောက်နေမှန်းသိရတော့တယ်။ ဘာဖြစ်လို့လဲ ဆိုတော့ ကျွန်တော့်ဘေးမှာ အရမ်းလှတဲ့ နတ်သမီးလေးတစ်ပါး ထိုင်နေလို့ပဲ။သူမက အဖြူနဲ့ အပြာရောင် ထမီလေးကို ၀တ်ထားပြီး ဆံပင်လေးကို နောက်လှန်ပြီးစုစည်းထားတယ်။ မျက်နှာလေးကလည်း ဘာအကာရံမှမရှိ ရှင်းသန့်ဖွေးနုလို့။နှာတံလေးက စင်းပြီးတော့ မျက်တောင့်လေးတွေက မကော့တကော့လေးတွေ။ သူမလက်ထဲမှာတော့ ဖိုင်တွဲတစ်ခု။ ကျွန်တော်သိလိုက်တယ် ဒါဟာ မဟာ တန်းကပဲဆိုတာ။ ဘယ်မေဂျာလဲတော့ မသိလိုက်ဘူး။ မှတ်တိုင်ရောက်တော့ ၀ရုန်းသုန်းကားနဲ့ ပြေးဆင်းရတာကို။သူမ မျက်နှာလေးကိုတောင် အပြည့်မကြည့်လိုက်ရဘူး။ စပယ်ယာကို စိတ်ထဲမှာကျိန်ဆဲရင် ဒီနေ့ဟာ ကျွန်တော်အတွက် နေ့ထူးနေ့မြတ်တစ်ပါးလို့ မှတ်ယူလိုက်မိတယ်။ သိပ်ချစ်ဖို့ကောင်းတဲ့ ကောင်မလေးတစ်ယောက်ကို ကျွန်တော်တွေ့ခွင့်ရတယ်။ ဒါဟာ ကျွန်တော့်အတွက် သောကြာကြယ် နတ်သမီးရဲ့ အလင်းလက်ဆောင်ပဲ။ ကျွန်တော်ရင်ထဲမှာ တိတ်တိတ်ကလေး ဆုတောင်းမိတယ်။ ကံကြမ္မာကြီးရယ် ကျွန်တော့် သူ့ကို နောက်ထပ်တွေ့ဆုံခွင့်လေး ဖန်တီးပေးပါဦးနော်။

            ကျွန်တော်က ကျောင်းမှာမသွားတတ်မလာတတ်တာတော့မဟုတ်ပါဘူး။ အတော့်ကို နှံ့နှံ့စပ်စပ်ရှိပါတယ်။ ဒါပေမယ့် လူတစ်ယောက်ကို ရှာဖို့ကျတော့ ကျောင်းကြီးက အရမ်းကို ကျယ်လွန်းနေတယ်။ ပြီးတော့ သူမက မဟာတန်းကဆို တော့ တွေ့ဖို့က အရမ်းခက်ခဲပါတယ်။ မဟာတန်းတွေက ကျောင်းတက်တာ နည်းတယ်လေ။ မေဂျာလည်းမသိ။ နာမည်လည်း မသိ။ နှစ်လည်း မသိဘူးဆိုတော့ စုန်းစုန်းမြုပ်ပါပဲ။ ဒါပေမယ့် ကျွန်တော်ကြိုးစားကြည့်ပါတယ်။ သူမကို တွေ့တဲ့နေ့က အချိန်ကိုမှတ်ပြီးတော့ ကားဂိတ်မှာ တစ်ချိန်လုံးထိုင်စောင့်တယ်။ မတွေ့ပြန်ပါဘူး။ မေဂျာစုံက သူငယ်ချင်းတွေကို အကူညီတောင်းပြီး ရှာခိုင်းတယ်။ သတင်းအစနတောင်မရပါဘူး။ ကျွန်တော်ပြောတာလည်း အရမ်းကို တိကျတာကို။ ဆံပင်လေးက နောက်လှန်ပြီးစည်းထားတယ်။ အဲ့ဒါထက်ပိုပြီးတော့ ကျွန်တော်မသိတော့ဘူး။ အဖြူနဲ့အပြာဆိုတဲ့ယူနီဖောင်းက သူ့ရက်နဲ့သူဝတ်ရတာဆိုတော့ ကျန်တဲ့ရက်တွေဆို အပြင်ဝတ်စုံနဲ့ မှတ်မိဖို့မလွယ်ပါဘူး။ ပြီးတော့ ဆံပင်ကလည်း နောက်လှန်ပြီးစည်းထားတာဆိုပေမယ့် ကျန်တဲ့နေ့တွေမှာ ချထားရင်ကော။ နောက်တစ်ခုက ကျွန်တော်က သူမကိုဘေးတိုက်လေးပဲ တွေ့လိုက်တာ။တကယ်တော့ ကျွန်တော့်အဖြစ်က အမှောင်ထဲမှာ အပ်ပေါက်ထဲကို အပ်ချည်ထည့် ရသလိုပါပဲ။ ရင်တွေမောလိုက်တာ။ တစ်ရက်တည်း တွေ့ရပေမယ့် တစ်သက်လုံးစွဲသွား တဲ့ အချစ်မျိုးနဲ့ သူ့မကို ကျွန်တော်ချစ်နေမိပြီထင်တယ်။

(၂)

            ကျွန်တော့်ဘ၀ရဲ့ ကံအကောင်းဆုံး နေ့ရက်တွေထဲက တစ်ရက်ဟာ ရောက်လာပြန်ပါတယ်။ ကျူရှင်ကို အမြဲနောက်ကျတဲ့ ကျွန်တော်က အဲ့ဒီနေ့ကမှ ထူးထူးခြားခြား ကျူရှင်ကို စောစောရောက်သွားတယ်။ ကျွန်တော်တို့ကျူရှင်က ဆက်ရှင်တွေ ခွဲပြီးသင်တာဆိုတော့ ကျွန်တော်ရောက်သွားတော့ ရှေ့အတန်းက မဆင်းသေးပါဘူး။ မနက်ပိုင်းအတန်းက (၁၂)နာရီဆင်း၊ ကျွန်တော်တို့ ညနေပိုင်း အတန်းက (123း0)တက်ရတယ်။ ဒါပေမယ့် ကျွန်တော်ဘယ်တော့မှ အချိန်မှီမရောက်ပါဘူး အနည်းဆုံးစာသင်ချိန် တစ်ချိန်ကျော်လောက်မှာရောက်တယ်။ ကျွန်တော်တို့အတွက်တော့ ကျူရှင်ဆိုတာ သွားစရာမရှိမှလာရတဲ့နေရာလို ဖြစ်နေတယ်လေ။ ကျွန်တော်အခန်းထဲရောက်တော့ စာသင်နေတုန်းပါပဲ ကျွန်တော်လည်း ခပ်တည်တည်နဲ့နောက်ဆုံးခုံမှာဝင်ထိုင်လိုက်ပြီး စာအုပ်တစ်အုပ်ထုတ်လို့ ဟိုလှန်ဒီလှန်လုပ်နေလိုက်တယ်။ ဟိုကြည့်ဒီကြည့်နဲ့ ဒါဟာ ဂုဏ်ထူးတန်းဆိုတာ သိလိုက်ရတယ်။ ဂုဏ်ထူးတန်းကျူရှင်ကလည်း ကျွန်တော်တို့ ကျူရှင်တစ်ခုပဲ သင်တယ်။ ဂုဏ်ထူးတန်းကလည်း အားရစရာ ယောက်ျားလေးဆိုလို့ ကျွန်တော်ရယ်၊ နောက်တစ်ယောက်ရယ် ဒါပဲရှိတယ်။ အဲ့တစ်ယောက်ကလည်း မိန်းကလေးတွေနဲ့ထိုင်နေတော့ ဒီဘက်ခုံမှာက ကျွန်တော်တစ်ယောက်တည်း။ ကောင်မလေးတွေက ကွက်ကြည့်ကွက်ကြည့်နဲ့ တချို့ဆို ပြောင်ပြောင်တင်းတင်းကို လှည့်ကြည့်တယ်။ ကျွန်တော်ထပြန်ချင်စိတ်ကို မနည်းအောင့်အီးထားရတယ်။ ဆရာမကို အားနာလို့သာ။ ဆရာမကလည်း ကျွန်တော်နဲ့ သိနေတယ်လေ။ သိပ်မကြာခင်မှာပဲ ကျွန်တော့်ရဲ့ ပြန်ချင်စိတ်အကုန်လုံး ကို ရပ်တန့်စေမယ့် နတ်သမီးခေါင်းလောင်းထိုးသံလေးကိုကြားလိုက်ရတယ်။ ဒို၊ရေ၊မီ၊ဖာ တွေ ကျွန်တော်နားမလည်ပါဘူး။ ဂီတအကြောင်းလည်း မသိပါဘူး။ ဒါပေမယ့် အဲ့ဒီအချိန်က ကြားလိုက်ရတဲ့ သူမရဲ့အသံဟာ ညသန်းခေါင်ယံမှာ ကောင်းကင်ကထိုးလိုက်တဲ့ တယောသံလေးလိုပါပဲ ဆူညံမှုတွေကြားထဲက ကျွန်တော့် နားစည်ကို ကြည်လဲ့စွာ လာရိုက်ခတ်တယ်။ ကျွန်တော်ရင်ခုန်စွာနဲ့ လှည့်ကြည့်လိုက်တော့ သူမ..။ ကျွန်တော်ရဲ့ ဘယ်ဘက်နံရိုးလေးဟာ အဖြူရောင် ဂါဝန်ဒူးဖုံးလေးနဲ့ ဆောင်းနံနက်ခင်းရဲ့ နှင်းပွင့်လေးတစ်စက်လို့ ဖြူလွှဖွေးလက်လို့ ကျွန်တော်နှလုံးသားတစ်ခုလုံးကို ဆွဲယူသိမ်းပိုက်သွားတယ်။ သူမက ရူပဗေဒ မေဂျာကပဲ။ ဒါဆို ကျွန်တော်နဲ့ အတူတူပဲပေါ့။ ကျွန်တော် အရမ်းပျော်သွားတယ်။ ကျွန်တော့်ရင်ထဲမှာ အာကသကြီးတစ်ခု ၀င်ရောက်နေရာယူသွားသလို ဟာလာဟင်းလင်းကြီး။ ဒါဟာ ဘာဖြစ်တာပါလဲ။ ကျွန်တော်သိသွားတယ်။ ကျွန်တော်သူမကို ချစ်နေတာ သေချာပါပြီ။ တကယ့်ကို မြတ်မြတ်နိုးနိုးနဲ့ပါ။ ဘယ်အရာနဲ့မှ နိူင်းယှဉ်လို့မရတဲ့ ချစ်ခြင်းမျိုး ဆိုတာ ကျွန်တော် သိနေတယ်။ ဒါဟာ ကျွန်တော့်ဘ၀ကို ကိုယ့်ကိုကိုယ် ပထမဆုံး စသိတဲ့ အချိန်ပါပဲ။ ကျွန်တော့်တစ်ကိုယ်လုံး ငြိမ်ပြီးတော့ စာအုပ်ကိုပဲ စူးစိုက်ကြည့်နေမိတယ်။ သူမကို ပြန်မကြည့်ရဲပါဘူး။ သူမက ကျွန်တော့်ကို တစ်ချက်လှမ်းကြည့် ပြီး ဟိုဘက်အထဲခုံမှာ ၀င်ထိုင်ပါတယ်။ ခိုးကြည့်ရမယ့် အခွင့်ရေးလေးကတော့ ဆုံးရှုံးသွားရပြီ။ ကျွန်တော့်စိတ်တွေက ခုနတုန်းနဲ့မတူ ခြားနားစွာ ရင်တွေခုန်ပြီ တစ်စုံတစ်ခုကို ရှက်နေတယ်။ပြီးတော့ ကျွန်တော်အရမ်းဝမ်းသာနေတယ်ဆိုတာပဲ။ကျွန်တော့် သူမကို ဘယ်လိုကြည့်ရမလဲ။ တခြားသူတွေ ရိပ်မိသွားလည်း စိုးရိမ်မိတယ်။ ဒါနဲ့ပဲ မျက်လုံးလေးထောင့်ကပ်ပြီး ကျွန်တော့်ရဲ့ ဧ၀လေးကို လှမ်းကြည့်မိတယ်။ သူမက ဆရာမကို လှမ်းကြည့်လိုက်၊ စာအုပ်ကိုကြည့်လိုက်၊ တစ်ခါတလေ ဘောပင်ကို ပါးစပ်လေးနဲ့ကိုက်လိုက်၊ တစ်ယောက်တည်း အလုပ်ရှုပ်နေပါတယ်။ဆံပင်လေးကို တစ်ဖက်ကိုဖါးလျားလေး ချပြီး၊ တစ်ဖက်ကို နားရွက်နောက်ကို သပ်တင်ထားပါတယ်။ သူမရဲ့ လှုပ်ရှားမှုပုံရိပ်တွေဟာ ကျွန်တော့်အတွက်တော့ ရုပ်ရှင် အနှေးပြကွက်လိုပါပဲ ထင်းကနဲ၊ လင်းကနဲ ရင်ထဲကို တစ်စစ်ခြင်း ထိုးနစ်ဝင်ရောက်နေတယ်။ ကြည့်နေရင်းနဲ့ ကျွန်တော်အားမလို၊အားမရဖြစ် လာတယ်။ သူမကို တစ်ခါတည်း မိတ်ဆက်ပြီး ဘယ်လောက်ချစ်ပါတယ်ဆိုတဲ့အကြောင်း တစ်ခါတည်း ပြောပစ်လိုက်ချင်တယ်။ ဒါပေမယ့် ဘတ်(စ်)ကားပေါ်က စာတန်းလို ဆန္ဒကို သိက္ခာနဲ့ ပြန်ပြန်ထိန်းနေရတယ်။အချစ်ဆိုတာ နွေရာသီမှာထွက်တဲ့ နှပ်ချီးလိုပဲ လူကိုနေရ၊ထိုင်ရ အတော်ခက်စေတယလို့် ကောက်ချက်ချမိတယ်။ ခဏအကြာ တီချယ်က ပုစ္ဆာတစ်ပုဒ်အိမ်စာပေးပြီး အတန်းဆင်းလိုက်ပါတယ်။ အားလုံးစာအုပ်တွေသိမ်းပြီး ထပြန်တော့ ကျွန်တော့်ရဲ့ နတ်သမီးလေးက ထိုင်ရကတောင်မထသေးပါဘူး။ သူမက တစ်စုံတစ်ခုကိုအပြင်းထန် စဉ်းစားနေပုံရတယ်။ တစ်ခါတစ်ခါ မျက်မှောင်ကျုံကျုံပြီးတော့ အလေးနက်စဉ်းစားနေသေးတယ်။ ဘာတွေများ ဒီလောက်အရေးတကြီး တွေးနေပါလိမ့်လို ကျွန်တော်တောင် တအံတသြဖြစ်သွားတယ်။ တီချယ်လည်း စိတ်ဝင်စားသွားပုံရပါတယ်။သူမ အနားကို လာမေးတယ်။

“သမီး..ဘာလုပ်နေတာလဲ..မပြန်သေးဘူးလား”

“သမီး..စဉ်းစားနေတာပါ ချယ်..”  သူမက အေးအေးဆေးဆေးပဲ ပြန်ဖြေတယ်။

“သြော်… ပုစ္ဆာကခက်လို့လား တီချယ်ကိုပြကြည့်လေ”

တီချယ်က ရှင်းပြဖို့ထိုင်ခုံမှာဝင်ထိုင်တော့ သူမက စာအုပ်ကိုပိတ်ပြီး

“ပုစ္ဆာက လွယ်ပါတယ်..ချယ်..သမီးစဉ်းစားနေတာက လူတွေသေရင် ရှေ့မှာဘာလို့ ရေအိုးကို ခွဲကြတာလဲ..သိချင်လို့..စဉ်းစားနေတာ အခုထိမရဘူး..တီချယ်သိရင် သမီးကို ပြောပြပါလားဟင်”

သူမက တကယ်လိုလိုလားလားကို သိချင်တဲ့ပုံမျိုးနဲ့ မေးနေတာ။ တီချယ်လည်း တစ်ချက်အမ်းသွားပြီး နောက်မှ တစ်စုံတစ်ခုကို သတိရသွားသလို မှားပြီ ဆိုတဲ့ ပုံမျိုးနဲ့ ဟိုလှည့်ဒီလှည့်နဲ့ ကျွန်တော့်ကို လှမ်းကြည့်တယ်။ ကျွန်တော်လည်း ကြောင်သွားတယ်။ သူမကပါ ကျွန်တော့်ဘက် လှည့်လာပါတယ်။ တီချယ်က စစ်ကူတောင်းတဲ့အနေနဲ့ ကျွန်တော့်ကို လှမ်းကြည့်ပြီး

“ ရဲထွဋ်ကတော့ ရလိမ့်မယ်..သမီးရဲ့ သူကစာအရမ်းဖတ်တယ်.. တီချယ်ကတော့ စာဖတ်အားနည်းတော့ သိပ်မသိဘူး.. သား..သမီးကို တစ်ချက်ရှင်းပြလိုက်ပါကွယ်.. တီချယ်နောက်တစ်ဝိုင်း ရှိသေးလို့ သွားလိုက်ဦးမယ်”

တီချယ်လည်း မပြေးရုံတမယ်ပဲ ဆင်းသွားတယ်။ ကျွန်တော့်မှာတော့ ကိုယ်ချစ်ရတဲ့ ကောင်မလေးနဲ့ ရင်ခုန်ရမယ့်အစား ချွေးပြန်ချင်လာတယ်။ သူမ ပုံမှန်ရော ဟုတ်ရဲ့လား။ ဘုရား၊ သိကြားမလို့ ကောင်းကောင်းကန်းကန်းလေးဖြစ်ပါစေ။ သြော်…ကြိုမမြင်ရတဲ့ အလွဲဆိုတာ ဒါမျိုးဖြစ်မယ်ထင်ပါ့။ ကျူရှင်မှာလည်း တခြားဘယ်သူမှလည်း မရောက်သေးဘူး။ သူမနဲ့ ကျွန်တော်နှစ်ယောက်တည်း။ သူမပုံစံက ရေအိုးပြဿနာမှ မရှင်းနိုင်ရင် ပြန်မယ့်သဘောမရှိဘူး။ သူမက ကျွန်တော့် အနားကို တိုးလာတယ်။ 

ရင်ခုန်စရာ အော်စကာည

"လာပြီဟေ့..."

သတင်းထောက်တစ်ယောက်ရဲ့ အော်သံအဆုံးမှာတော့ ဟိုတယ်ကြီးရဲ့ ဆင်ဝင်အောက်မှာ လူများပျာပန်း ခတ်မျှ လှုပ်ရှားသွားကြသည်။ ကင်မရာမီးများက တဖျတ်ဖျတ်။ မေးခွန်းမေးတဲ့သူကမေး။ အော်တိုထိုးခိုင်းတဲ့ သူက ထိုးခိုင်းနဲ့ လူအုပ်ကြီးမှာ အုန်းအုန်းထသွားသည်။ နက်ပြောင်လှတဲ့ မားစီးဒီးကားကြီးရဲ့ အထဲမှာတော့ မြန်မာပြည်ရဲ့ နိုင်ငံကျော် ရုပ်ရှင်မင်းသား တစ်ယောက်။ ပြည်တွင်းတွင်မက ကမ္ဘာကပါ ချစ်ရသော အနုပညာ ရှင်တစ်ယောက်။ သူက ကမ္ဘာလုံးဆိုင် ရာအော်စကာဆုပေးပွဲသို့ မြန်မာပြည်၏ ကိုယ်စား တက်ရောက်လာခြင်း ဖြစ်သည်။ ဤရုပ်ရှင်ဆုပေးပွဲကို နိုင်ငံပေါင်း (128) နိုင်ငံမှာ ကိုယ်စားလှယ်အနုပညာရှင်များ တက်ရောက် ကြသည်။ ကမ္ဘာကျော် ဒါရိုက်တာကြီးများ၊ သရုပ်ဆောင်များ၊ အဆိုတော်များသာမက စာရေးဆရာ၊ဓါတ်ပုံ ဆရာများပါ တက်ရောက်ကြသဖြင့် ဂျာနယ်များ၏ အကြိုက်ဖြစ်သွားသည်။ ပွဲမစခင် 5 နာရီ အလိုလောက် ကတည်းက ဂျာနယ်လစ်များ၊ သတင်းထောက်များနဲ့ လူပေါင်းထောင်ချီမျှရောက်နေကြပြီ။ သူတို့ချစ်သော အနုပညာရှင်များကို လာရောက်အားပေးမိတ်ဆက်ကြခြင်းဖြစ်သည်။ ထိုအထဲမှာ မြန်မာပြည်၏ ကိုယ်စား ပြု ရုပ်ရှင်မင်းသား သာဂိက အထင်ရှားဆုံး ပေါ်ပြူလာ အဖြစ်ဆုံးဖြစ်နေပြန်သည်။ ဖြူဝင်းသော အသားရေ၊ အရပ်မောင်းကောင်းကောင်း၊ ခန့်ညားထည်ဝါသော ရုပ်ရည်က ပျိုမေတို့ အကြိုက် ဖြစ်နေလေ သည်။ သူ့ရဲ့ အသီးတစ်ထောင် အညှာတပြွတ် ဇာတ်ကားက ၀င်ငွေအကောင်းဆုံး ဒရာမာ ရုပ်ရှင်အဖြစ် အမေရိကန် နိုင်ငံ၏ The Sun သတင်းစာတွင် လေးပါတ်ဆက်တိုက် နေရာယူနိုင်ခဲ့ခြင်းက သူ့ရဲ့ ပရိသတ်ကို ဤမျှ ခိုင်မာစေခဲ့ခြင်းလည်း ဖြစ်သည်။ များပြားလှသော ပရိသတ်များထဲမှာ သာဂ်ိမှာ ဟော်တယ်ခန်းမထဲသို့ တစ်နာရီကျော်ကြာ တိုးဝင်ခဲ့ရသည်။ ဒါတောင် ဘော်ဒီဂတ်အယောက်ငါးဆယ်က လမ်းရှင်းပေးသောကြောင့် တစ်နာရီပဲ ကြာခဲ့ခြင်းဖြစ်၏။ သာဂိ၊ သာဂိ ဟု မပီကလာ၊ပီကလာ အော်သံက ဆင်ဝင်အောက်မှာ ဟိန်းဟိန်းထနေဆဲ ဖြစ်လေသည်။
       ဆုပေးပွဲက မကြာခင်စတင်တော့မည် ဖြစ်သည်။ အစီအစဉ်တင်ဆက်သူများကတော့ ကမ္ဘာကျော် စုံတွဲ အင်ဂျလီနာဂျိုလီနှင့် ဘရက်ပစ်တို့ စုံတွဲဖြစ်သည်။ သူတို့စုံတွဲက ရင်ခုန်စိတ်လှုပ်ရှားဖွယ်ရာ အစီအစဉ် များကို ထင်ရှားသော အနုပညာရှင်များနှင့် ပူးပေါင်းတင်ဆက်သွားသည်။ သုံးနာရီကျော်မျှ အစီအစဉ်များ တင်ဆက်ပြီးသွားသောအခါ ဆုပေးပွဲအစီအစဉ်သို့ ရောက်ရှိလာလေသည်။ ဂျိုလီက ဆုပေးပွဲအစီအစဉ် အတွက် ဆုများကို ကြေငြာရန် လူမည်းမင်းသားကြီး မော်ဂန်ဖရီးမင်းကို စင်ပေါ်သို့ဖိတ်ခေါ်သည်။ အနက် ရောက်ကုတ်အကျီ င်္နှင့် အမည်းရောင်အသားရေက မင်းသားကြီးကို စင်ပေါ်မှာ ပျောက်နေစေသည်။ တစ်ချက်တစ်ချက်ရယ်လိုက်မှသာ သွားဖြူဖြူလေးကို မြင်ရပြီး မျက်နှာကို မှန်းလို့ရလေသည်။ မင်းသား ကြီးက စကားအနည်းငယ် ပြောကြားပြီး ဆုရသည် ဇာတ်ကားများကို စတင်ကြေငြာသည်။ နိုင်ငံပေါင်း 128 နိုင်ငံမှ ကားပေါင်း 500 ကျော်ဝင်ရောက်ယှဉ်ပြိုင်ရာ အကောင်းဆုံးဇာတ်ကား တစ်ဆု၊ အကောင်းဆုံး ဒါရိုက်တာဆု၊ အကောင်းဆုံး သရုပ်ဆောင်ဆု နှင့် အကောင်းဆုံး နောက်ခံတေးဂီတ ဆုများကိုသာ ပေးအပ်ခြင်းဖြစ်သည်။ ဇာတ်ကား 500 ကျော်ကို ကျွမ်းကျင်ပညာရှင် ငါးထောင်ကျော်မှ အကဲဖြတ် အမှတ်ပေးသည်။ ငါးနှစ်တိတိကြာမြင့်သည်။ ဒိုင်ငါးယောက်သေသွားသောကြောင့် ငါးလ နားရသေးသည်။ 2005 ခုနှစ်၊ ငါးလပိုင်း၊ ငါးရက်မှာ ပြန်လည် စတင်သည်။
       '' အကောင်းဆုံး ဇာတ်ကားဆုကို တော''့ မင်းသားကြီးမှ မပြောသေးဘဲ ပရိသတ်ဘက်ကို တစ်ချက်ကြည့် လိုက်သည်။ ဘယ်သူမှတော့ မမြင်ရပါ။ စကားသံရပ်သွားသောကြောင့် ကြည့်သည်ဟုသာ ထင်ရခြင်းဖြစ်သည်။ မင်းသားကြီးက ဆက်ပြောသည်။ အတော်လည်း ရှက်သွားပုံရပါသည်။ အဘယ်ကြောင့်ဆိုသော သူရပ်နေတာတခြား၊ ပရိသက်များက စိတ်ဝင်တစားပြူးကြည့်နေတာက တခြား ဖြစ်နေသောကြောင့်ပင်။" အကောင်းဆုံးဇာတ်ကားဆုကိုတော့ ဂျပန်နိုင်ငံမှ အိုက်တတ်ရင် ပန်ကာဝယ် ဇာတ်ကားနဲ့ ရရှိသွားပါတယ်။" လက်ခုပ်သံတွေ တဖြောင်းဖြောင်းဆူညံသွားသည်။ ဇာတ်ကားထုတ်လုပ်သူ အား ၀ိုင်းနမ်းကြသည်။ ဓါတ်ပုံတွေ ရိုက်ကြသည်။ (မြန်မာပြည်၏ အကယ်ဒမီပေးပွဲ အတိုင်းပင်ဖြစ်၏)။ မော်ဂန်ဖရီးမင်းကို ဖုတ်လေသည့် ငပိရှိတယ်ပင်မထင်ကြ။ အတော်ကြီးကြာမှ ငြိမ်သွားကြသည်။ မင်းသားကြီးက ဆက်ကြေငြာသည်။ "အကောင်းဆုံး ဒါရိုက်တာဆုကိုတော့ အီသီယိုးပီးယား နိုင်ငံမှ ဒါရိုက်တာ အီစီကလီက အီဖေကို ဇာတ်ကားနှင့်ရရှိသွားပါတယ်။" ခုနကအတိုင်းပင်ဖြစ်၏။ "အကောင်းဆုံး နောက်ခံတေးဂီတဆုကိုတော့ ဆိုမာလီနိုင်ငံမှ ဓါးပြများက ဓါးပြတစ်ယောက်ရဲ့ နှလုံးသား ဇာတ်ကားနဲ့ ရရှိသွားပါတယ်။" အားလုံးငြိမ်ကျသွားသည်။ တစ်ယောက်နှင့် ဘေးဘီလှည့်ကြည့်ကြသည်။ ပြီးမှ အသံများ ပြန်ထွက်လာသည်။ ၀ိုင်းနမ်းကြသူများလည်း မတွေ့ရ။ ဓါတ်ပုံလည်း မရိုက်ကြပေ။ ကပ္ပလီတစ်ယောက်က သေနတ်နှင့် ထပစ်သောကြောင့် ထပြေးကြရသေးသည်။ ဂုဏ်ပြုခြင်းဖြစ်သည်ဟု ပြောသည်။ "အကောင်းဆုံးသရုပ်ဆောင် ဆုကိုတော့ မြန်မာနိုင်ငံမှ သာဂိက မီးမလာတဲ့ရက်များထဲက ပျက်တဲ့တစ်ည ဇာတ်ကားနဲ့ ရရှိသွားပါတယ်။ "ထို့နောက် ဖြတ်ခနဲဆို မီးများ ပိတ်ကျသွားသည်။ ထောင်ချီသော လူအုပ်ကြီးထဲမှ ဟာခနဲဆိုသောအသံက ၀ုန်းဆို ပြဲထွက်လာသည်။ မင်းသားကြီးကိုတော့ လုံးလုံးမမြင်ရတော့ ချေ။ ဆောင်းဘောက်(စ်)မှ မင်းသားအသံက ကွဲထွက်လာသည်။ "ဘာမှ မဖြစ်ပါဘူး ခင်ဗျာ။ စိတ်မပူကြပါနဲ့ မြန်မာနိုင်ငံက ဆုရသွားတဲ့အတွက် ရန်ကုန်မြို့ထုံးစံအတိုင်း ဂုဏ်ပြုတာပါ။ အားလုံး အချိန်အကန့်သတ်မရှိ ငြိမ်ပြီး ဂုဏ်ပြုပေးရန် မေတ္တာရပ်ခံပါတယ်။ ကျွန်တော့်တို့ စက်ဆရာအဖွဲ့မှ မီးစက်သွား နိူးနေပါတယ်။" ပရိသတ်များထံမှ အသံများ ကျွတ်စီ၊ တာယာစီ၊ ဂွေစီများ ထွက်ပြီး ငြိမ်သွားကြသည်။ ခဏအကြာ မီးများက ပြန်လင်းလာသည်။ မင်းသားကြီးကိုတော့ မမြင်ရပေ။ မီးပြန်လာမှ ၀ိုင်းနမ်းကြသူများ၊ လက်ဆွဲနူတ်ဆက်သူများ၊ ဂုတ်ခွစီးသူများ၊ ဓါတ်ပုံရိုက်သူများ၊ ကင်မရာနှင့် အားမရလို့ တုတ်နှင့်ဝင်ရိုက်သူများဖြင့် ကျွတ်ကျွတ်ညံသွားလေသည်။ အားလုံးပြီးသောအခါ သာဂိတစ်ယောက်ခေါင်း မှာ သွေးစက်များဖြင့် ရယ်ကာ လိုက်ကာကြီးကို လက်ပြနေလေသည်။ အကုန်လုံးကြောင်သွားကြသည်(လေးဖက်ကြီး)။ သွေးများစီးကျနေသောကြောင့် ဘာမျှမမြင်ရပေ။
        ဆုများကို ကြေငြာပြီး ဖြစ်သောကြောင့် ဆုယူရန် စင်ပေါ်သို့ ကြွရောက်ဖို့ ဆုရသူများကို စင်ပေါ်သို့ စုတက်လာရန် ဖိတ်ကြားအပ်ပါသည်။ ဆုရသူ သုံးယောက်စင်ပေါ်သို့တက်လာသည်။ ပထမတစ်ယောက် က ဂျပန်နပမ်းသမားကြီးဖြစ်သည်။ လှုပ်လှုပ်နှင့်စင်ပေါ်တက်လာသည်။ သူက အိုက်တက်ရင် ပန်ကာဝယ် ဇာတ်ကားထုတ်လုပ်သူဖြစ်သည်။ သူ့ရဲ့ ကျေးဇူးတင်စကားကတော့ "သည်ဇာတ်ကားကို ထုတ်လုပ်ဖို့ ကျွန်တော် ဆယ်နှစ်ကြာ ပိုက်ဆံဆုရပါတယ်။ လမ်းဘေးမှာ ပလက်စတစ်ကောက် ၊ပိုးကောင်းလေးတွေ ဖမ်းစားတဲ့ဘ၀ကနေ စတင်ပြီးဆုခဲ့တာ ယန်းငွေ 100 ကျော်စုမိပါတယ်။ ဆယ်နှစ်ကြာစုပြီး ယောက္ခမသေတော့ အမေရိကန်ဒေါ်လာ 10 ဘီလီယံလောက်ရပြီး ဒီကားကို ထုတ်လုပ်နိုင်ခဲ့ခြင်းဖြစ်ပါတယ်။ ကျွန်တော့် ယောက္ခမက မာဖီးယားဂိုက်ချုပ်ဖြစ်ပါတယ်။ ဒီဇာတ်ကားအတွက် ကျေးဇူးတင်ထိုက်သူအားလုံးကို ကျေးဇူးတင်ပါတယ်။" နောက်တစ်ယောက်ကတော့ အီသီယိုးပီးယား ဒါရိုက်တာဖြစ်သည်။ လူပုံစံကတော့ ဗေလုဝစတိုင် အတိုင်းပင်။ စင်ပေါ်ကို ထမ်းစင်နှင့် ခေါ်လာရသည်။ သူက အီသီယိုးပီးယားမှာ အစာငတ်ခံဆန္ဒပြနေတုန်း ဖမ်းခေါ်လာခြင်းဖြစ်သည်။ ဒါတောင် မလိုက်ဘူးဟု ငြင်းနေသေးသည်။" ကျွန်တော် ဒီကားကို ရိုက်ဖြစ်ပုံက ဆန်းကြယ်ပါတယ်။ တစ်နေ့မှာ ကျွန်တော် အိပ်မက်မက်ပါတယ်။ အိပ်မက်ထဲမှာ ကျွန်တော်ဟာ တိမ်တွေပေါ်မှာ လမ်းလျှောက်နေရပါတယ်။ ခဏအကြာ ကျွန်တော်ဗိုက်ထဲက တဂွီဂွီဆာလာပါတော့တယ်။ အဲ့ဒီမှာ ကျွန်တော်အိပ်မက်က လန့်နိုးပါတယ်။ အဲ့ဒါနဲ့ ဒီဇာတ်ကားကို ရိုက်ဖြစ်ခဲ့ပါတယ်။ "ပရိသတ်ထဲမှာ အသံလေး တစ်သံ ထွက်လာသည်။ ဘာမှလည်း မဆိုင်ဘူး..ဟု။ "နောက်တစ်ယောက်ကတော့ ဆိုမာလီနိုင်ငံသား ပင်လယ်ဓါးပြဖြစ်ပါတယ်။ သူကတော့ ဒီနေ့ဆုလာမယူနိုင်ပါဘူး။ တရုတ်သဘောင်္ကို ဓါးပြသွားတိုက်နေရပါတယ်။ သူ့အစား မြန်မာနိုင်ငံမှ ဂုဏ်သရေရှိ ဓါးပြတစ်ဦးမှ တက်ယူမှာဖြစ်ပါတယ်။ "နောက်ဆုံးတစ်ယောက်ကတော့ မြန်မာနိုင်ငံသား သာဂိဖြစ်ပါတယ်။ သူရဲ့ရင်တွင်းစကားသံလေးကတော့ "ကျွန်တော် ဒီဆုရဖို့ မမျှော်လင့်ပါဘူး။ လိုချင်လို့သာ လာခြင်းဖြစ်ပါတယ်။ ဒီဇာတ်ကားလေးကို ကျွန်တော်ရိုက်ဖြစ်ခဲ့တာက ရန်ကုန်မြို့သူမြို့သားတွေရဲ့ တောင်းဆိုမှုကြောင့်ဖြစ်ပါတယ်။ ဒီဇာတ်ကားကို ကျွန်တော်တို့ တစ်ရက်တည်းနဲ့ အပြီးရိုက်ခဲ့တာပါ။ မြန်မာငွေ ဆယ်သိန်းလောက်ပဲကုန်ပါတယ်။ ဒီဇာတ်ကားမှာ ကျွန်တော်ပဲမင်းသား၊ ကျွန်တော်ပဲ ဒါရိုက်တာ၊ ကျွန်တော်ပဲ ပရိုဂျူဆာ ဖြစ်ပါတယ်။ 
        ထို့နောက်မှာတော့ ဆုရရှိသူများကို ဆုများပေးအပ်ပွဲ အခမ်းနားကျင်းပသည်။ အကောင်းဆုံးဇာတ်ကားဆုရ ထုတ်လုပ်သူ ဂျပန်းနပမ်းသမားကြီးအား ဂျမ်ဘို ခြင်ဆေးခွေ တစ်ဘူး၊ အကောင်းဆုံးဒါရိုက်တာ ဆုရ အီသီယိုးပီယားမှာ ဒါရိုက်တာ အီစီကလီအား ပေါင်မုန့်တစ်လုံး(ပေါင်မုန့်ရသဖြင့် ဒါရိုက်တာကြီးမှာ အတော်ပျော်သွားလေသည်။ ပြီးတော့ အငမ်းမရစားလေသည်)၊ အကောင်းဆုံးနောက်ခံတေးဂီတဆုရ ဆိုမာလီနိုင်ငံမှ ပင်လယ်ဓါးပြများအား အရုပ်သဘောင်္လေးတစ်စင်း(အတော်လက်ရမြှောက်သည်။မြင်တာနှင့် ဓါးပြတိုက်ချင်စရာကောင်းသည်)၊ အကောင်းဆုံး သရုပ်ဆောင်ဆုရ မြန်မာပြည်မှာ မင်းသားသာဂိအား မီးချောင်းတစ်ချောင်း၊ ဘတ်ထရီအိုးတစ်လုံး နှင့် မီးအားမြှင့်စက်တို့အား ဆုအဖြစ်ချီးမြှင့်သည်။ ထိုနောက့်မှာတော့ အခမ်းနားပြီးဆုံးကြောင်း ကြေငြာကာ ဆုပေးပွဲအခမ်းနားအား ရုပ်သိမ်းလိုက်လေသည်။ ဖိတ်ကြားထားသော ဧည့်သည်များနှင့် တက်ရောက်လာသော ဂုဏ်သရေရှိလူကြီးများအား ဂုံနီအိတ်တစ်လုံးစီ လက်ဆောင်အဖြစ် ပေးအပ်သည်။ ထို့နောက် အီရက်မှ အသေခံဗုံးခွဲသမားများမှ အိုစမာဘင်လာဒင်အား ဂုဏ်ပြုသည့် အနေဖြင့် ၀င်ရောက်ဗုံးခွဲရာ လူငါးထောင်ကျော် သေဆုံးကာ၊ သုံးထောင်ကျော်မှာ ပွဲချင်းပြီး၍ ကျန်နှစ်ထောင်မှာ ဆေးရုံမှာသေဆုံးလေသည်။


(မည်သူ့ကိုမှ မရည်ရွယ်ပါ တမင်တကာ စောင်းမြောင်းရေးလိုက်ခြင်းဖြစ်၍ တိုက်ဆိုင်မှုရှိပါက မသိချင်ယောင်ဆောင်နေကြပါရန် မေတ္တာကို အလျားလိုက်ခံအပ်ပါသည် :P)

ကျွန်ုပ် နှင့် လူပျိုကြီးယတြာ (၁)

        တစ်နေ့သ၌ ကျွန်ုပ်နေထိုင်ရာ ဒိုက်အေမြို့ ငပိစိမ်းသား ခြံတွင် ကျွန်ုပ်သည် နံနက်ခင်း၏ အလှအား ခံစားရန်အလို့ငှာ ဒရင်းဘက်လေးပေါ်တွင် လှဲလျောင်းကာ ပတ်ဝန်းကျင်အလှအား ကြည့်ရှုခံစားနေ လေသည်။ ထိုအခိုက် လွန်စွာမှပင် သုတ်သီးသုတ်ပြာနိုင်လှသော ဗရုတ်သုတ်ခ၊ ဗြုတ်စပြဲလောင်း၊ အုတ်ကြားမြတ်ပေါက်၊ ဓါတ်တိုင်သေးပန်း၊ ဆလပ်ရွက်ခေါင်းမြီးခြုံ ၊ ဂေါ်ဖီထုပ် ခေါင်းဦးကာ၊ ဇလီဖာတုံး ချီးကုန်းသော ကိုငြိမ်းနိုင်ဆိုသော လူကြီးသည် ရောက်ရှိလာလေ၏။ ထိုနောက် မပြောမဆိုပင် ကျွန်ုပ်၏ ဘေးနားသို့ ၀င်ထိုင်ကာ ဖတ်လတ်စစာအုပ်ဖြစ်သော ပါးရှား နက္ခဗေဒင်ဆရာ အယ်လ် ဟာကင်မ်၏ ဂျူဒီရှာ ဂီမာစပီယာ  စာအုပ်ကို ကောက်ကိုင်ကာ ဟိုလှန်ဒီလှန် လုပ်နေလေသည်။ကျွန်ုပ်မှာ ထိုလူကြီး ရောက်ရှိလာသောကြောင့် အတော်ပင် စိတ်အနှောက်အယှက် ဖြစ်မိချေ၏။ ကျွန်ုပ်၏ သာယာမှုအပေါင်းမှာလည်း ချုပ်ငြိမ်းလေပြီဟု စိတ်တွင် မှတ်ထင်မိလေ၏။ ထိုကြောင့် ကျွန်ုပ်မှာ တဖက်သို့ လှည့်ကာ လူကြီးလူကောင်းတို့ မပြုလုပ်အပ်သော ကျွတ် ဟူသော အမူအရာအား ပြုလုပ်ကာ တဖက်သို့ လှည့်နေလိုက်လေ၏။ သို့သော် ထိုအလိုက်ကန်းဆိုး မသိသော လူကြီးသည် ကျွန်ုပ်၏ အမူအရာအား ဂရုမထား ဘိအလား စာအုပ်အား ဟိုလှန်ဒီလှန်ပင် လုပ်လျက်ရှိချေ၏ ။ ကျွန်ုပ်မှာ မတီးလျင် မမြည်ဟူသော ဆိုရိုးစကားအရ ကိစ္စမြန်မြန်ပြီးရန် အလို့ငှာ လာရင်းကိစ္စအား မေးမြန်းရလေတော့၏။

‘ ဒီမှာ ကိုငြိမ်းနိုင် ကျုပ်ဆီကို ဘာလာလုပ်ရပြန်တာတုန်း.. ခင်ဗျားဟာခင်ဗျား ဘလောဂ့်လေးဘာလေးရေးပြီး အငြိမ့်သား ထိုင်နေပါရော့လား..’’

ထိုအခါမှပင် ထိုလူကြီးသည် ကျွန်ုပ်ဘက်သို့ လှည့်ကာ စပ်ဖြီးဖြီး မျက်နှာနှင့် ပြန်ပြောလေ၏။

“ အဲ့လို ထိုင်နေလို့ မဖြစ်လို့ပေါ့ ဆရာရယ်.. အဲ့ဒါကြောင့် ဆရာဆီ အကူညီလာတောင်းတာပါ.. ပြီးတော့ ဆရာက ဒီလိုကိစ္စမျိုးမှာ ဘယ်လောက် အစွမ်းထက်တယ်ဆိုတာ ကျွန်တော်သိထားတယ်လေ..”

“ နေပါဦးဗျာ… ဒီလောက်တောင် ညွှန်းနေရင်တော့ ခင်ဗျား မိန်းမလိုချင်ပြန်ပြီနဲ့ တူတယ်..”

“ သိပ်ဟုတ်တာပေါ့ ဆရာရယ်.. ဆရာက တကယ်ကို အကုန်လုံးကို သိနေတာပဲ.. ဟဲဟဲ.. မထူးတော့ပါဘူးဗျာ..ပြောရတော့မှာပေါ့ ..ဒီလို ဆရာရဲ့ ဆရာအရင်တုန်းက ပေးတဲ့ ယတြာ တွေက ကောင်းပါတယ် ဒါပေမယ့် သိတဲ့ အတိုင်းပဲ ကျွန်တော်က လုပ်လိုက်ရင် တလွဲဆိုတော့ ကပြောင်းကပြန် တွေ ဖြစ်ကုန်တာပေါ့.. အခုတခါတော့ လုံးဝကို လွဲလို့မရဘူးဆရာရေ… ကျွန်တော်က သူ့ကိုမှ မရရင် ရူးတော့မှဗျ.. အဲ့ဒါကြောင့် ဆရာကို အကူညီတောင်းရတာပါ.. လုပ်ပါဦးဆရာ.. ဒီတစ်ခါတော့ ကွက်တိဖြစ်အောင် ကျွန်တော် ကြိုးစားပါ့မယ်..ဆရာ …”

ထိုအခါကျွန်ုပ်မှာ သူ့အား အရင်တုန်းက ပေးခဲ့သော ယတြာအား ပြန်လည် အမှတ်ရမိလေ၏။ ထိုအခါတုန်းကလည်း ယခုအတိုင်းပင် ကျွန်ုပ်ဆီသို့ ရေးကြီးသုတ်ပျာ လာကာ အကူညီတောင်းသဖြင့် ကျွန်ုပ်မှာ လည်း တတ်ထားသည့်ပညာ မနေသာဆိုသကဲ့သို့ ယတြာ လုပ်ပေးခဲ့ရဖူး၏။ ယင်းယတြာမှာ နှောင်းလူတို့ သိရန်အလို့ငှာ ဖော်ပြလိုက်ရပေ၏။ ယတြာက ဤသို့ဖြစ်၏။ မိန်းမလျာတစ်ယောက်၏ ပါးမှ သနပ်ခါးကို ယူကာ ပူပူနွေးနွေးသေပြီခါစ မုဆိုးမ၏ အုတ်ဂူရှေ့သို့ သွား၍ တစ်လတိတိ သနပ်ခါးဖြင့် ထိုအုတ်ဂူအား သုတ်ကာ ငိုကြွေးရမည် ဟူ၍ ဖြစ်သည်။ ထိုကိစ္စ၏ လျိုဝှက်ချက်ကိုလည်း မည်သူမျှသိ၍ မရပေ။ ကိုငြိမ်းနိုင်ကြီးမှာ ထိုအတိုင်းပင် လိုက်လုပ်ရှာလေ၏။ သို့သော် တစ်ပတ်ပင် မပြည့်သေး မိန်းမလျာကို ပရောပရီ သွားလုပ်သော ကြောင့် ထိုမိန်းမလျာက ၄င်းအား သနားကာ လက်ထပ်မည်ဟု ဆိုသောကြောင့် ထွက်ပြေးခဲ့ရလေသည်။ သူကြိုက်သော ကောင်မလေးကလည်း အထင်လွဲကာ အသည်းကွဲ၍ ချက်အရက်သောက်ပြီး လမ်းဘေးမှာ မူးလဲစဉ် ချီးကားဖြတ်ကြိတ်ကာ ဆေးရုံရောက်ခဲ့ရလေ၏။ ကျွန်ုပ်မှာလည်း နာမည်ပျက်ရလေ၏။ ထို့ကြောင့် သူ့အား ယခုတစ်ခါ ယတြာပေးရန် အတော်ပင် စဉ်းစားယူရလေသည်။ သို့ပေမယ့် ၄င်းနှင့် ကျွန်ုပ်မှာ မျက်နှာ နာရမည့်သူများဖြစ်သောကြောင့် မပေးပြန်လျင်လည်း မကောင်းဘူးဟု စိတ်တွင် မှတ်ချက်ချမိလေ၏။ ထိုအချိန် တွင် နေလုံးသည် ကောင်းကင်ထက်သို့ အတော်ပင် မြင့်တက်လာချေသည်။ ထိုအခါကျွန်ုပ်မှာ မနက်စာမစားရ သေးသည့် အဖြစ်ကို သတိရလေ၏။ ထိုကြောင့် ကိုငြိမ်းနိုင်ကြီးအား မနက်စာ စားမစား မေးရချေ၏။

"ကိုင်း.. ကိုငြိမ်းနိုင် နေတောင် အတော် မြင့်တက်လာပြီ..ခင်ဗျားလည်း ဗိုက်ဆာေ၇ာပေါ့.. ကျုပ်တစ်ခုခု စီစဉ်လိုက်မယ် ဘယ်နှယ့် ရှိစ"

ကျွန်ုပ်၏ စကားကို ကြားရသောအခါ ကိုငြိမ်းနိုင်ကြီးမှာ အစားစာ ငတ်ပြတ်နေသော ဇူစကာပုဏ္ဏား၏ မျက်နှာမျိုးဖြင့် ကျွန်ုပ်အား ၀မ်းသာအားရ ကြည့်ကာ ပြောလေ၏။

"ကောင်းတာပေါ့.. ဆရာရယ်.. ကျွန်တော့်မှာ သူ့စိတ်နဲ့ အစားပျက်အအိပ်ပျက်နဲ့ လူတောင် ပိန်လာပါပြီဗျာ. အခုလည်း ဆရာဆီကိုလာတာ ထမင်းတောင် မစားခဲ့ရသေးဘူး.. ဗိုက်ထဲမှာလည်း နှဲမှုတ်နေသလို တဂွီဂွီ တဂေါ်ဂေါ်နဲ့ ဖြစ်နေပြီဆရာ.. မြန်မြန်လေးသာ စီစဉ်လိုက်ပါတော့..ဟီးဟီး"

ထိုလူကြီးသည် လွန်စွာမှပင် အရှက်မရှိသော မျက်နှာနှင့် အထက်ပါစကားများအား ပြောကာ သူ၏ ဗိုက်အား တဘုတ်ဘုတ် ပုတ်ပြလေ၏။ ကျွန်ုပ်လည်း သနားသွားရကာ မနက်စာစားသောက်ရန် ဈေးသွားဖို့ ပြင်ဆင်ရလေသည်။

"ကောင်းပြီ..ဒါဆိုဒီမှာ ခဏစောင့်ဗျာ..ကျုပ်ဈေးသွားပြီ စားသောက်ဖို့ ချက်ပြုတ်စရာတွေ သွားဝယ်လိုက်ဦးမယ်.."

"ကောင်းတယ်ဆရာ … မြန်မြန်သာသွား "

"သြော်… ဒါနဲ့ ခင်ဗျား ပေါက်ကရတွေတော့ လျှောက်မလုပ်ထားနဲ့နော်.. ငြိမ်ငြိမ်နေဗျ..ကျုပ်စိတ်ချလက်ချ သွားမယ်"

"သြော်… ဆရာရယ်.. သွားသာသွားပါ.. ပြောနေတာနဲ့တင် တော်တော် အချိန်ကုန်နေပါပြီ.."

ကျွန်ုပ်မှာ  ထိုလူကြီးအား စိတ်မချသော်လည်း ဈေးနောက်ကျမည့် ဆိုးသောကြောင့် ခွေးခြေဖုံး ရပ်ကွက် 

 အနီးမှ အပုပ်ဈေးအား ပြေးရလေတော့၏။ ဈေးမှပြန်ရောက်သော် ချက်ပြုတ်ဖို့ ပြင်ဆင်ရပြန်၏။ ကျွန်ုပ်မှာ ဈေးမှဝယ်လာ သော ပစ္စည်းများအား ခြင်းတောင်းထဲမှာ ထုတ်ကာ စတင်ချက်ပြုတ်လေတော့၏။ ငါးသလောက်ကို နံနံပင်အုပ်ကာ နှပ်ထားလိုက်လေ၏။ တညင်းသီးကို လေးစိပ်စိပ်ကာ ဂွေးတောက်ရွက် နှင့် ဟင်းချိုချက်လေ၏။  ကြက်ဥကို နို့ဆီနှင့် ကြော်ထားရပြန်၏။ ယင်းတို့ကို အရင်ပြုလုပ်ကာ ကြက်သားအား ခုတ်ကာ ကြက်ဟင်းခါးသီးနှင့် နယ်ထား၏။ ငါးသလောက် ကျက်သောအခါမှာ ကြက်သားအိုးအား တင်လိုက်လေ၏။ ထို့နောက် တို့စရာအတွက် ပြင်ဆင်ရလေ၏။ ငပိရည်ကိုကျိုကာ ကျက်သော် ငရုတ်သီးအကျက်မှုန့်များများ ၊ ကုလားအော်သီး အတောင့်နှစ်ဆယ်နှင့် ဖျော်ရလေ၏။ တို့ရန်အတွက်မှု အိမ်သာနားမှာ တမာရွက်များကိုခူးကာ ရေစိမ်ထားလေ၏။ ထိုပြင် ချဉ်ပေါင်ရွက်ကြော်၊ သံပုရာရည် ဖြန်းထားသော ရှောက်သီးသုတ်၊ ရှာလကာရည်နှင့် မန်ကျီးသီးရောနှယ်ထားသော ဟင်းအရံများကို ပြင်ဆင်ရပြန်လေ၏။ အလုံးစုံပြီးသောအခါ ကျွန်ုပ်တို့ ၏ ထမင်းဝိုင်းသည် စားရန်အသင့်ဖြစ်လေ၏။ မနေ့ကမှ ချက်ထားသော အုန်းထမင်းမှာ များစွာ ကျန်ရှိသေးသောကြောင့် ထိုထမင်းနှင့်ပင် စားသောက်ရန်ပြင်ရတော့လေသည်။ ကျွန်ုပ်တို့၏ ထမင်းဝိုင်းမှာ မြင်သူတိုင်းသွားရည်ယိုချင်စရာ ကောင်းလောက်အောင် ဟင်းအမယ်စုံလင်စွာဖြင့် ပွဲတော်တည်လေတော့သည်။ 

ကျွန်တော် နှင့် ငရဲပြည်

တစ်နေ့ ကျွန်တော် ဘလောဂ့်တစ်ခုအတွက် ပို(စ်)့ရေးနေရင်း သေသွားသည်။ ရုပ်မပါသော နာမ်သည် ပေါ့ ပါးစွာ လွင့်မျောနေသည်။ အမှောင်ထု တစ်ခုဆီသို့ ဦးတည်နေသည်ဟု ထင်သည်။ သိပ်မကြာပါ ဆိုင်းဘုတ် တစ်ခုကို တွေ့ရသည်။ ငရြဲပည်မှ ကြိုဆိုပါ၏ ...။ ၀က်သီးတော့ နည်းနည်းထမိသည်။ ကျွန်တော်ကကြက်သား မကြိုက် ၀က်သားပဲစားသည်။ ထို့ကြောင့် ၀က်သီးထခြင်းဖြစ်သည်။ ငရဲပြည်က ထင်သလောက် မခမ်းနားပါ။ လမ်းတွေမှာလည်း ချိုင့်တွေ၊ ကျင်းတွေနှင့်။ ဒါပေမယ့် နည်းနည်းတော့သန့်သည်ဟု ထင်စရာရှိပါသည်။ ဗွက်တွေဘာတွေ မရှိပါ။ လမ်းအနည်းငယ် လျှောက်မိသောအခါ ငရဲပြည်၏ စည်ကားမှုကို မျက်ဝါးထင်ထင် 

တွေ့ရပါတော့သည်။ ဈေးတန်းကြီးက အရှည်ကြီး ဖြစ်သည်။ အော်သူ၊ ရောင်းသူများနှင့် ငရဲပြည်က ကုန်ဈေးတန်းအလားပင် ထင်ရသည်။ ကျွန်တော်က စပ်စုလိုသဖြင့် ဘေးနားက ဖြတ်သွားသော ရုပ်ဆိုးဆိုးနှင့် လူတစ် ယောက်ကို မေးကြည့်သည်။

နောင်ကြီး.. ဒါဘာပွဲတော်လည်း ဟင်..

မင်းငရဲပြည် ရောက်တာ သိပ်မကြာသေးဘူး ထင်တယ်

ဟုတ်ကဲ့ .. ကျွန်တော်သေတာ နာရီပိုင်းပဲ ရှိပါသေးတယ်..

သြော်. ဂလို့ကို.. ဒီနေ့က လပြည့်နေ့လေ .. ဒါက ငရဲဈေးပွဲတော်..

ဘယ်နှယ့်ဟာပါလိမ့်..။ နိဗ္ဗာန် ဈေးပွဲတော်လည်း မဟုတ်။ မရှင်းသဖြင့် ထပ်မေးမိပြန်သည်။

ငရဲပြည်က လပြည့်နေ့ရှိလို့လား..

ထိုသူက ကြောက်လန့်တကြားဖြင့် ပါးစပ်ကို လက်ညိုးနှင့် ပိတ်ကာ တိုးတိုးပြောဟု လုပ်ပြသည်။

ဟေ့ကောင်..တိုးတိုးပြောပါကွ။ ငရဲပြည်မှာ ဘယ်ကလရှိမလဲ။ ဒါက လူ့ပြည်က မီးသွယ်ထားတာ။ သူ့တိုက အဲ့ဒါကို လလို့ ခေါ်ကြတယ်ကွ။ တစ်နေကုန် မီးလာတဲ့ ရက်ဆို လပြည့်နေလို့ သတ်မှတ်တယ်။

သြော်... ဒီလိုလား..ဒါနဲ့ ခင်ဗျာကဘယ်သူလဲ... ဒီကို ဘယ်လိုရောက်လာတာလဲ..။

ငါ့နာမည်က ကိုငြိမ်းနိုင်ကွ.. အင်တာနက်မှာ ဘလောဂ့်လေး ထောင်ထားတယ်ကွ..

ဒီကို ဘယ်လိုရောက်လာသလဲဆိုတော့... ပို(စ်)့လေးတွေရေးရင် စိတ်ဝင်စားစရာကောင်းတယ်နေရာ

ရောက်ရင် ဖြတ်ဖြတ်ထားခဲ့လို့ သေတာနဲ့ ငရဲပြည်ကို တန်းရောက်တာပဲ...

နေပါဦး.မင်းကကော ..ဘယ်သူလဲ...

ကျွန်တော်လည်း သန်လျင်သားဆိုပြီး..ဘလောဂ့်လေး ထောင်ထားတာဗျ... ဘယ်လိုကြောင့် ငရဲပြည်

ရောက်တာလဲတော့ မသိသေးဘူး...

အေး.. မသိသေးရင် ငရဲမင်းကြီးနဲ့ သွားတွေ့လိုက်ဦး.. ငါကတော့ ဟိုဘက်ဘလောဂ့်ဂါ ငရဲအဆောင်ကို သွားလိုက်ဦးမယ်...

ဟမ်... ငရဲပြည်မှာ အဆောင်ရှိတယ် ... ဟလား

အစတုန်းကတော့ မရှိဘူးကွ...အေး..နောက်ပိုင်းမှာ ဘလောဂ့်ဂါတွေ ငရဲရောက်တာများလို အဆောင်

ဆောက်ပေးထားရတယ်.. သွားလိုက်ဦးမယ်ကွာ... သြော်..ဒါနဲ့ မင်းအကူအညီလိုရင် မရွှေစင်ဦးဆီကို သွား သူက ငရဲရောက်တဲ့ ဘလောဂ့်ဂါတွေအတွက် အကူညီပေးဖို့ အေဂျင်စီ ဖွင့်ထားတယ်.. သူကတော့ ငရဲပြည်မှာ ၀ါအကြီးဆုံးပဲ.. သွားပြီဟေ့...ငါလည်း နောက်ကျနေပြီ...

ထိုရုပ်ဆိုးဆိုးနှင့် ကိုငြိမ်းနိုင်ဆိုသော လူကြီးသည် ထွက်သွားတော့သည်။

 ကျွန်တော်လည်း ဟိုကြည့်ဒီကြည့်နှင့် ဆက်လျှောက်သွားသည်။ တစ်နေရာအရောက်တော့ လူတစ်

ယောက် ကုန်းကုန်းကွကွနှင့် တစ်ခုခုကို ရှာနေသည်။ ကျွန်တော်လည်း ထိုလူနားသို့သွားကာ ကြည့်မိ သည်။

ဘာဖြစ်နေတာလဲ.. နောင်ကြီး.. ဘာကူညီပေးရမလဲ..

အာ..ဒီမှာ မြှားပျောက်သွားလို့ ဗျ...

ဟမ်.. ခင်ဗျားက မြှားနဲ့ ဘာလုပ်မလို့တုန်း...

ဟာ.. ဒီလူတော်တော်ခတ်တာပဲ... ၀တ်စားဆင်ယင်ပုံလေး ဘာလေးကြည့်ပါဦးဗျ.. စွတ်ရွတ်ပြောမနေ နဲ့။

မော်ဒန် ပုဂံပြည်

ဗိုလ် ချုပ်ကြီး ကျန်စစ်သားတို့ ပြန်လာပါပြီ..

 ရှေ့ပြေးဆတ်သားရဲ့ လျှောက်တင်သံအဆုံးမှာ နန်းတွင်းတစ်ခုလုံး လှုပ်လှုပ်ရွရွဖြစ်သွားတယ်။ အဆိုးဆုံး ကတော့ အနော်ရထာမင်းကြီးပေါ့။ ဘာလို့လဲဆိုတော့ ဒါက သူ့ကိစ္စကိုး။ ဥဿာကို ဂျွမ်းအရမ်းပစ်တဲ့ စစ် သည်တွေ ၀င်ရောက်ကျူးကျော်တိုက်ခိုက်တော့ ဥဿဘုရင်က အနော်ရထာမင်းကြီးကို အကူညီတောင်း တယ်။ တစ်ဖက်စစ်သည်တွေက တစ်ချိန်လုံး ဂျွမ်းပစ်နေတာ ဥဿာပဲခူးက စစ်သားတွေ ခမျာ ခေါင်းတွေ မူးနောက်ပြီး တစ်ချို့ဆို ရူးတောင်ရူးကုန်ပါပြီလို့ e-mail ပို့ ပြီး အကူညီတောင်းတယ်။ ဖုန်းနဲ့ဆက်သွယ် လည်း ရပေမယ့် ကြားဖြတ်နားထောင်မယ့် ဟက်ကာတွေကို ကြောက်တာကြောင့် e-mail နဲ့ပဲ လှမ်းပို့ တယ်။ e-mail က ဒီလို ]]ဥဿာကို ဂျွမ်းဝင် စစ်သည်တွေရူးချင် ကျေးဇူးပြု၍ အကူညီပေးပါ အနော်ရထာ ဘုရင်.}}။ အနော်ရထာလည်း mail ရတာနဲ့ ချက်ခြင်းပဲ ကူညီဖို့ ပြင်ဆင်တယ်။ ဒါနဲ့ပဲ သူ့ရဲ့ အားအထား ရဆုံး စစ်သူကြီးလေးယောက်ကို လွှတ်လိုက်တယ်။ မရောက်ခင် mail အရင်လှမ်းပို့လိုက်တယ်။ သူပို့လိုက် ပြီပေါ့ စစ်သူကြီးလေးယောက်ကို။ အဲ့ဒီမှာ မေလ်းပို့တဲ့သူ က မှားရိုက်ပြီး လေးသိန်းဖြစ်သွားတယ်။ ဥဿာ ဘုရင်လည်း အရမ်းပျော်သွားတာပေါ့။ စစ်သည်လေးသိန်းဆိုတော့ နည်းတာမဟုတ်ဘူး။ ဂျွမ်းစစ် သည်တွေတော့ သေပြီပေါ့။ ဒါနဲ့ပဲ ချက်ခြင်း မေလ်းပြန်ပို့လိုက်တယ်။ စစ်ပွဲနိုင်ရင် သူ့ရဲ့သမီးတော်ဖြစ်တဲ့ မဏိစန္ဒာကို ဆက်သပါ့မယ်။ နောင်လည်း ချစ်ချစ်ခင်ခင်နေသွားကြမယ်လို့ ပို့လိုက်တယ်။ ဘာပြောကောင်း မလဲ အနော်ရထာကြီး ပျော်လိုက်တာ နိုက်ကလပ်တောင် လေးညဆက်တိုက်တက်လိုက်တယ်ဆိုပဲ။ ခိုင်လုံ တဲ့သတင်းရပ်ကွက်က ရတာ။ ထားပါတော့။ စစ်သူကြီးလေးယောက်လည်း ကားလေးစီးနဲ့ စစ်တိုက်ဖို့ ထွက်သွားကြတယ်။ ဟိုလည်းရောက်ရော ဥဿာဘုရင်လည်း ကြောင်တောင်တောင်ဖြစ်သွားတယ်။ ဘယ်နှာတုန်းဟ။ ဟင်..ပြောတော့ စစ်သည်လေးသိန်းဆိုပြီး လာတော့ လေးယောက်တည်း အနော်ရထာ ငါ့ကို လိမ်တာပဲဆိုပြီးတော့ ဒေါတွေခွီးရော။ အဲ့မှာ ကျန်စစ်သားက ဘာညာနဲ့ ၀င်ဖြီးလိုက်တာအဆင်ပြေ သွားတယ်။ ပြောရမယ်ဆိုရင် သွားတဲ့စစ်သူကြီးလေးယောက်ထဲမှာ ကျန်စစ်သားက ရုပ်အဖြောင့်ဆုံး။ တော်ကီကလည်း ဘာညှက်သလဲမမေးနဲ့။ တစ်ခါတုန်းက နန်းတွင်းက ဆင်တစ်ကောင် မုန်ယိုပြီး လူတွေ လိုက်နင်းတာ။ နန်းတွင်းသူ၊ နန်းတွင်းသားတွေလည်း ခွေးပြေး၊၀က်ပြေး ပြေးကြ။ အနော်ရထာမင်းကြီးဆို နန်းဆောင်အပေါ်ထပ်ကနေ ဆင်းကိုမဆင်းတော့ဘူး။ တစ်ခါတော့ နန်းတွင်းသူ တစ်ယောက် ပြေးရင်ချော် လဲသွားရော။ ဆင်ကြီးက အနောက်ကပြေးလာပြီး တက်နင်းဖို့လုပ်တုန်း ရှိသေးတယ်…ကျန်စစ်သားက ဆင်ကြီးအရှေ့ကနေပြေးရပ်ပြီး တစ်ခွန်းတည်းပြောလိုက်တာ ဆင်ကြီး အနောက်ကိုပြန်လှည့်ပြီးတော့ သူ့တင်းကုပ်ထဲကို တစ်ခါတည်းပြေးဝင်သွားတော့တာပဲ။ နန်းတွင်းတစ်ခုလုံး အုတ်အော်သောင်းနင်းဖြစ် သွားတယ်။ ကျန်စစ်သားက တစ်ခွန်းတည်း ပြောလိုက်တာနဲု့မုန်ယိုနေတဲ့ဆင်က လှည့်ပြေးတယ်ဆိုတော့ အံသြစရာပေါ့။ ဒါတောင် ဂျာနယ်တိုက်တွေက မသိလို့ သိရင် လာပြီးအင်တာဗျူးဦးမှာ။ အဲ့ဒီမှာ အနော်ရထာ မင်းကြီးက ကျန်စစ်သားကို နန်းတွင်းခေါ်ပြီး မေးတော့တာပဲ။ ဆင်ကိုဘယ်လိုပြောလိုက် သလဲပေါ့။ ကျန်စစ်သားကတော့ အေးဆေးပဲပြန်ဖြေတယ်။ ဟေ့ကောင် စံလှ မင်းမိန်းမမီးဖွားနေပြီ အမြန် ပြန်လို့ ပြောလိုက်တာပဲ။ အဲ့လောက်ထိ ကျန်စစ်သားတို့ တော်ကီကောင်းတာ ။ ဥဿာဘုရင်လောက်တော့ အပျော့ပေါ့။ ဒါနဲ့ပဲ စစ်တိုက်ဖို့လုပ် ပြင်ဆင်ကြတယ်။ လေးယောက်တည်းဆိုတော့ ကျန်စစ်သားက ပြောက် ကျားနည်းနဲ့ တိုက်ဖို့လုပ်တယ်။ ဥဿာဘုရင်က စစ်သူကြီး ပြောက်ကျားနည်းဆိုတာ ဘာကိုပြောတာပါ လဲ လို့မေးတယ်။ ကျန်စစ်သားက ရှင်းပြတယ်။

(ဆက်ဖတ်ရန်)